Kirurgji Okulare

Kirurgjia e kataraktës

Fakoemulsifikimi është metoda standarde bashkëkohore për heqjen e kataraktës — një prerje mikroskopike (1.5–3 mm), pa qepje, me kohë të shpejtë shërimi. Lexoni udhëzuesin tonë të plotë për kataraktën për detaje mbi procedurën, shërimin dhe pyetjet më të shpeshta.

Kirurgjia e glaukomës (MIGS/MMIGS)

Teknikat mini-invazive të kirurgjisë së glaukomës (MIGS — Minimally Invasive Glaucoma Surgery) ulin tensionin e brendshëm të syrit me rrezik më të ulët dhe kohë shërimi më të shkurtër krahasuar me kirurgjinë tradicionale. Zgjedhja e teknikës përcaktohet individualisht, në varësi të stadit të glaukomës.

Kirurgjia vitreoretinale

Vitrektomia (anteriore dhe posteriore) përdoret për trajtimin e problemeve të trupit qelqor dhe retinës — përfshirë shkolitjen e retinës, hemorragjitë vitreale, dhe komplikacione të tjera që kërkojnë ndërhyrje në pjesën e pasme të syrit.

Implantim i lenteve intraokulare

Pas heqjes së kataraktës, implantohet një lente intraokulare e përhershme. Në varësi të rastit, ofrohen lente monofokale, multifokale (si PanOptix), ose lente fakike (Iris Claw / Artisan) për korrigjim refraktiv në raste komplekse.

Implantimi i lentes multifokale PanOptix.

Kirurgji e kataraktës në raste të komplikuara

Në disa raste (p.sh. dobësim i aparatit zonular/ligamentor që mban lentjen — shpesh i lidhur me sindromën pseudoeksfoliative, traumë, ose moshë të shtyrë), fakoemulsifikimi standard nuk mjafton për të mbështetur në mënyrë të qëndrueshme lentjen e re. Në këto raste përdoret implantimi i një unaze intrakapsulare (Capsular Tension Ring), e cila stabilizon kapsulën gjatë dhe pas operacionit.

Implantimi i unazës intrakapsulare — kirurgji e kataraktës në rast të komplikuar.

Kirurgji refraktive me lazer (Femtosekond)

Klinika Albrus është në bashkëpunim dhe binjakëzim me iClinic, rrjet ndërkombëtar klinikash oftalmologjike. Kjo i jep pacientëve tanë akses te teknologjitë e kirurgjisë refraktive për heqjen e syzeve, përfshirë laserin VISUMAX 500. Ne ju orientojmë dhe ju shoqërojmë gjatë gjithë procesit, nga konsultimi fillestar deri te ndërhyrja.

• ReLEx SMILE PRO — teknika më e re, minimalisht invazive, pa "flap" kornean
• FEMTO LASIK — korrigjim i shpejtë me shërim të lehtë
• Z-LASIK — teknologji e avancuar femtosekond
• PRK / No-Touch — alternativë pa prerje kornea, e përshtatshme për disa raste specifike
• LASEK — variant tjetër i kirurgjisë refraktive sipërfaqësore

Përshtatshmëria për secilën teknikë përcaktohet gjithmonë pas një ekzaminimi paraprak të detajuar. Na kontaktoni për të filluar procesin e vlerësimit.

Teksti ka karakter informativ dhe jo mjekësor. Për vlerësim të personalizuar, konsultohuni me mjekun tuaj.