Keratokonusi (ektazia ose hollimi i kornesë) është një sëmundje jo-inflamatore, degjenerative, që sjell dëmtimin dhe dobësimin e fijeve kolagjenore të kornesë. Si pasojë, korneja hollohet, dobësohet strukturalisht dhe deformohet, duke marrë formën e një konusi.
Si pasojë, progreson një astigmatizëm i çrregullt dhe ulet ndjeshëm shikimi. Në rastet e avancuara, keratokonusi sjell ulje serioze të shikimit dhe mund të shkojë deri në çarje të kornesë.
Sa i shpeshtë është?
Shpeshtësia ndryshon sipas vendeve — rreth 0.02% e popullsisë sipas statistikave të SHBA, por disa studime tregojnë deri në 0,05% në vende të tjera, me tendencë në rritje. Prek në mënyrë të barabartë meshkujt dhe femrat, zakonisht të dy sytë në mënyrë asimetrike.
Lentet e kontaktit për keratokonusin
Në shumë raste, lentet e kontaktit janë zgjidhja kryesore për të korrigjuar shikimin në keratokonus, sipas stadit dhe formës së kornesë:
- Lentet korneale (RGP) — opsioni i parë në stadet e hershme/mesme, japin shikim shumë të qartë.
- Lentet semi-sklerale — mbështeten pjesërisht mbi sklerë, më të rehatshme për korne të parregullta.
- Lentet sklerale — mbështeten tërësisht mbi sklerë, shumë efektive në stadet e avancuara, me komoditet të lartë.
- Lentet hibride — qendër e fortë (për shikim të qartë) me unazë periferike të butë (për komoditet).
Lexoni më shumë te faqja e lenteve të kontaktit.
Teksti ka karakter informativ dhe jo mjekësor. Për vlerësim të personalizuar, konsultohuni me mjekun tuaj.